Japan na shirin yin ginin katako mafi tsawo a duniya a Tokyo

Wani kamfanin kasar Japan yana shirin yin ginin katako mafi tsawo a duniya, domin yin bikin cikarta shekara 350 da zamowa kasa a shekarar 2041.

Kamfanin Sumitomo Forestry ya ce kashi 10 cikin 100 na ginin mai hawa 70 zai kasance na karfe ne, da za a hada da katako kubik mita 180,000, wanda zai isa a gina gidaje 8,000, za a kuma shuka bishiyoyi da ciyayi a ko wanne hawa.

Kamfanin ya ce ginin zai kasance mai jurewa girgizar kasa da karfin iska, kuma hakan zai sa ya kare shi daga yawan girgizar kasar da ake yi a birnin tokyo.

Kuidn da aka kiyasta za a kashe wajen yin ginin ya kai daka biliyan 4.02.

Amma kamfanin Sumitomo ya ce yana sa ran kudin zai ragu kafin a kammala ginin saboda sauyen-sauen ci gaban fasaha da ake samu.

Jaridar Guardian ta ruwaito cewa a yanzu haka wani gini mai tsawon mita 53 da yake birnin Vancouver ne gini na katako mafi tsawo a duniya.

Za a yi amfani da ginin W350 wajen mayar da shi ofisoshi da shaguna da kuma gidaje.